મોરબીના સામાકાંઠા વિસ્તારમાં આવેલ એલ.ઇ.કોલેજની જૂની બિલ્ડિંગમાં આજે મોડી સાંજના સમયે અચાનક આગ લાગી હતી. જેથી કરીને બનાવની તાત્કાલિક મોરબી નગરપાલિકાને જાણ કરવામાં આવી હતી માટે ફાયર વિભાગના વિનુભાઈ ભટ્ટ, કાર્તીક ભટ્ટ તેમજ પ્રિતેશભાઇ સહિતની ટીમ તાત્કાલિક ફાયરની ગાડી લઈને એલ.ઇ.કોલેજ ખાતે પહોંચ્યા હતા. કોલેજના પ્રિન્સિપાલ ઓફિસ જે વિભાગમાં હતી તે વિભાગમાં લાગેલી આગને કાબૂમાં લેવા માટે થઇને પાણીનો સતત મારો ચાલુ કરવામાં આવ્યો હતો અને આગ ઉપર કાબુ મેળવ્યો હતો.